تحديث الصفحة (( اتبرع ولو بصابونة )) مشروع اكثر من رااااااائع ،،،،،،، هلموا الي الحسنااااااات

لسلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
ان شاء الله مع حملة تبرع ولو بصابونة لميضة المسجد (( يعني مكان الوضوء )) المكان مخصص بالمسجد فية حمامات وحوض وحنفيات للوضوء وبيطلق علي هذا المكان ميضة المسجد
ممتاز دلوقت بقي دينا دين طهارة ودين نظافة
النظافة من الايمان
ومن باب الحفاظ علي مساجدنا ورائحتها ونظافتها بنقول تبرع بأي حاجة تقدر تتبرع بيها في المسجد
ولو حسبت التكلفه هتلاقيها ( جنيه واحد بس )

ممتاز ,,,, يعني فلوس قليله وحسنات كثيره *** هوة دة شعارنا ***

ونبتدي مع بعض مشروع خيري هتكسب منه حسنات كثييييييييييييييييرة جداً

*****************
*************
********
****
**
*1- صابونة ب جنية واحد وضعها علي الحوض اي حد بعد حمام يغسل يدة (( يعني ثواب كبير جالك وانت مش حاسس ))

2- اسال فراش المسجد الي في منطقتك لو المسجد محتاج وانتا شوف بنفسك وادخل الحمامات شوف محتاجة اية ،،،
هوة مش احنا بنهتم ببيوتنا صح ؟؟؟ طيب دي بيوت ربنا يبقي واجب علينا نهتم بنظافتها وطهارتها وجمالها وريحتها
لو لقيت الميضة يعني مكان الوضوء محتاج مثلا مساحة ،،، ليه ما تجبش مساحه وتكسب حسنات للصبح .

3- كتير جدا بيبقي فيه حنفيات سايبة او ماية بتشر علي الفاضي لو تشتري
حنفية واحدة تتبرع بيها او تجيب مرة سباك يصلح حنفيات المسجد يبقي كل نقطة
ماية حافظت عليها ربنا يجعلها في ميزان حسناتك ان شاء الله .. مش كده ولا إيه ؟؟؟؟

4- في ناس كتير في مكان الوضوء و بيبقي فيه ماية علي الارض فبيتزحلق
والحمد لله دلوقت بقي في زي شراشيف او مش عارف اسمها اية هي زي جلد به
فتحات كدة بيوضع علي الارض في مكان الوضوء علشان محدش يتزحلق ((عرفتوها))
فيها إيه لو جبت واحده وحططها علي ارضيه مكان الوضوء ،،،
ربنا يجعل كل شاب وكل طفل وكل رجل كبير في السن ميتزحلقش وميقعش وميتكسرش بسبب شراشيف انتا جبتها في ميزان حسناتك ان شاء الله

5- لو في لمبة عطلانة واشتريت لمبة تنور بيها مسجد ( ممكن ربنا ينور قبرك ويا بختك يا عم بالنور دة )

6- لو عندك كتب في البيت كتب دينية ومبتقرهاش ومرمية عندك ومركونة علي
الفاضي ضعها بالمسجد كل من يقرأ منها حرف ان شاء الله ربنا يجعلها صدقة
جارية عنك ويجعلها في ميزان حسناتك ان شاء الله .

7- لو في سجاد اتقطع وتبرعت انتا وكلمت اصحابك ولميتو وجبتوا سجاد جديد
علشان بيوت ربنا
دي حملة يلا نهتم ببيوت ربنا زي ما بنهتم ببيوتنا

8- لو تعرف تشتري بخور وتضعة في المسجد
الناس كلها هتحبك وتدعيلك
وقبل كل دة أسال الله العظيم ان يحبك ويكرمك ويعفو عنك كفاية انك بتحاول
ان مسجد ربنا يكون علي طهارة ونظافة وجمال وريحة حلوة ،، دي غير كده كل ال هيشم البخور الحلو دة هيكون في ميزان حسناتك ( ويا بختك يا عم ) ...

9- احيانا الفراش بيحتاج كيس ايريال او برسيل او تايد لغسيل الاحواض لو تبرعت مرة في الشهر بكيس برسيل ،، كيس واحد بس بجنيه (( دة يمكن الحوض يشهدلك يوم القيامه وبرضه يا بختكم يا عم ))

10- لو تقدر تجيب ازازة فنيك او بيسموها ازازة بطة لغسيل الحمامات
علشان اخوانك المسلمين ميتأرفوش ولا يتضايقوا ولا يبقي في كرب ولا الناس
تفضل ماسكة نفسها متعملش حمام بسبب الريحة في الحمامات او عدم النظافة .

11- لو تكلم الفراش كل اسبوعين يمكن يكون فراش مكسل او معندوش ضمير واديلة خمسة جنية مثلا وقولة اغسل الحمامات وهجي بليل او بكرة اشوفها
وفعلا هيشتغل علشان الخمسة جنية وهيعمل الحمامات و ينظفها
كون سبب في نظافة المسجد
اعتبر المسجد بيتك لانة اهم من بيتك دة بيت ربنا

12- تعرف ان في ناس في الدول العربية ربنا يكرمهم بيقولوا ان مسجد ربنا لازم يكون احسن من بيتي
وجابو تكييف في المسجد وجابو صابون سائل ووضعوة علي الاحواض
وفي الكويت في المسجد الكبير تخيل بيرشوا الارض عطر ومسك علشان لما تسجد تشم الريحه الحلوة وتطول في سجودك
(( واهو كله بحسناته ))

13- او ممكن تجيب معطر للجو مرة في الشهر علشان خاطر بيت من بيوت ربنا

14- وفي معطر للحمامات ( يالا يا عم بس انت شد حيلك )

15- لو جزء في الحمامات او الحنفيات محتاج تخفيق بالاسمنت

يلا يا جماعة المشروع دة والحملة دي حملة تبرع ولو بصابونة في ميضة المسجد
يلا ان شاء الله الكل يشارك شباب وبنات
ولو حضرتك بنت اعطي الفلوس لاخوكي او لوالدك وقولية هات كذا دة علشان بيت من بيوت ربنا
منتظر ان شاء الله المزيد والمزيد من افكاركم واقتراحاتكم وارائكم
وان شاء الله شاركو معايا في نشر الحملة علي اي منتدي تعرفة
ياتري بتحب المسجد بيت من بيوت ربنا
ياتري ممكن تحب نظافتة وتحافظ علية وعلي رائحتة زي ما بتحافظ علي بيتك
دي نية جديدة
انوي ان شاء الله من انهاردة تحافظ علي نظافة المسجد زي ما بتحافظ علي بيتك
والموضوع يمكن مش محتاج ولو باقل حاجة جنية واحد تمن كيس مسحوق غسيل او تمن صابونة توضع في مكان الوضوء

الموضوع ده عجبني فكرته في احد المنتديات ونقلته اليكم

مع بعض التغيرات

جزاكم الله كل خير
والسلام عليكم ورحمة الله وبركاته

تحديث الصفحة **(( اتبرع ولو بصابونة )) ** مشروع اكثر من رااااااائع ،،،،،،، هلموا الي الحسنااااااات

تحديث الصفحة (( اتبرع ولو بصابونة )) مشروع اكثر من رااااااائع ،،،،،،، هلموا الي الحسنااااااات